جب حضرت حسینؓ نے عاشوراء کےدن روزہ نہیں رکھا تو پھر مستحب کیسا ہے؟

استفتاء

اگر عاشورا کے دن روزہ ہوتاتو پھر حضرت حسین رضی الله تعالی عنہ پانی کس لیے مانگ رہے تھے؟ اور حضرت عباس علمدار کو دریاپہ پانی لینے کیوں بھیجاگیا؟اس وقت امام حسین رضی الله تعالی عنہ سے زیادہ کون ان کے نانا رسول الله صلی الله علیہ وسلم کی شریعت سے واقف تھا؟ یقیناً امام حسین رضی الله تعالی عنہ اس وقت کے امام تھے۔

مہربانی فرما کرمذکورہ پوسٹ کا جواب بتا دیں۔

الجواب :بسم اللہ حامداًومصلیاً

صحیح روایات سے عاشورہ کا روزہ رکھنا ثابت ہے لیکن چونکہ یہ روزہ صرف مستحب ہے اور سفر یا جنگ کی حالت میں فرض روزہ چھوڑنے کی بھی گنجائش ہے، اس لیے اگر امام حسین رضی الله تعالی عنہ نے عاشورہ کا روزہ نہ رکھا ہو تو اس میں اشکال کی کوئی بات نہیں۔

في الهندية1/460

الغازي اذا علم انه يقاتل العدو في رمضان وهو يخاف الضعف فله ان يفطر