ایڈوانس فیس وصول کرنااورتاخیر کرنےپرجرمانہ کاحکم

استفتاء

السلام علیکم ورحمۃ اللہ وبرکاتہ جی ہمارے یہاں گجرات میں سکول والے ایڈوانس فیس وصول کرتے ہیں اور تاخیر کرنے پر روز کے حساب سے جرمانہ وصول کرتے ہیں اس کا شرعی حکم کیا ہے ؟جواب مہروالاچاہیےاورذراجلدی ہے شکریہ۔

الجواب :بسم اللہ حامداًومصلیاً

اگر سکول کا یہ ضابطہ ہو کہ فیس ایڈوانس وصول کی جائے گی تو سکول والوں کے لیے ایڈوانس فیس وصول کرنے کی گنجائش ہے،اور تاخیر کرنے پر  جرمانہ وصول کرنا مالی جرمانہ  کے زمرے میں آتا ہے جو کہ شرعا ناجائز ہے ،البتہ اگر مجبوری ہو تو یہ صورت ہوسکتی ہے کہ جو جرمانہ کسی طالب علم سے لیا جائے وہ کچھ عرصہ اپنے پاس محفوظ رکھ کر بعد میں اسی طالب علم کو کسی شکل میں لوٹا  دیا جائے۔

ہدایہ (294/3)میں ہے :

قال الاجرة لا تجب بالعقد و تستحق باحدى معاني ثلاثة اما بشرط التعجيل او بالتعجيل من غير شرط اوباستيفاء المعقود عليه.

ہدایہ (295/3)میں ہے:

 لا يستوجب الاجر قبل الفراغ  لما بينا قال الا ان  يشترط التعجيل لما مر ان الشرط فيه لازم.

: درمختار (98/6)میں ہے :

لا بأخذ مال فى المذهب….. وقيل يجوزومعناه أن يمسكه مدةلينزجرثم يعيده له.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم