اگر کسی نمازی کونماز کے بعد کوئی رکعت  رہ جانے کی خبردے   تو نماز کا حکم

استفتاء

مفتی صاحب ایک بندہ نے ظہر کی نماز پڑھی جب نماز سے فارغ ہوا تو ساتھ میں بیٹھے ہوئے ایک آدمی نے کہا کہ بھائی آپ نے تین رکعات پڑھی ہیں اور اس کی اس بات سے اس نمازی کو بھی شک ہوا کہ پتہ نہیں یہ سچا ہوگا یا اس کو ویسے ہی غلط فہمی ہوگئی ہوگی۔

اب سوال یہ ہے کہ کیا اس بندے کی نماز ہوگئی یا دوبارہ نماز پڑھے گا؟

الجواب :بسم اللہ حامداًومصلیاً

مذکورہ صورت میں احتیاط اسی میں ہے کہ نماز دوبارہ پڑھی جائے۔

رد المحتار (2/560)میں ہے:

 لو أخبره عدل بعد السلام أنك صليت الظهر ثلاثا وشك في صدقه يعيد احتياطا لأن الشك في صدقه شك في الصلاة.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم