’’اگر تیرے پاس آیا  تو ماں بہن سے زنا کروں ‘‘ کہنے کا حکم

استفتاء

میرا نام سدرہ ہے۔پچھلے ہفتے میرے شوہر نے ان الفاظ میں طلاق دی کہ "میں نے طلاق دی”منگل والے دن میرے ابو آئے اور مجھے معافی مانگنے کا کہا اور میں نے معافی مانگی اس کے بعد شوہرنے ہمبستری کی لیکن  صرف دخول ہوا انزال نہیں ہوا تھا،اور اکثر مار پٹائی کر کے زبردستی کرتا ہے ،میں روتی ہوں چھوڑتا نہیں ضد میں کرتا رہے گا۔میرا دل نہیں کرتا رہنے کو جو 14سال سے ہو رہا ہے اور ایک دو بار میرے شوہر نے یہ جملہ کہا کہ”اگر تیرے پاس آیا تو ماں بہن سے زنا کروں”اس کے بعد بھی آتا رہا اکثر بچوں نے بھی دیکھا ہے ۔اب کیا حل ہے؟

الجواب :بسم اللہ حامداًومصلیاً

مذکورہ صورت میں شوہر کے اس جملے سے کہ "میں نے طلاق دی” ایک  رجعی طلاق واقع ہو گئی ہے جس کا حکم یہ ہے کہ اگر شوہر عدت کے اندر رجوع کر لے تو نکاح باقی رہتا ہے ۔مذکورہ صورت میں چونکہ شوہر نےعدت کے اندر ہمبستری کر لی تھی اس لئے رجوع ہونے کی وجہ سے نکاح قائم ہے۔ اور  شوہر کا یہ جملہ کہ” اگر تیرے پاس آیا تو ماں بہن سے زنا کروں”   یہ کلام اگرچہ بیہودہ اور مکروہ ہے لیکن  اس سے کوئی طلاق واقع نہیں ہوئی۔

نوٹ: آئندہ شوہر کے لیے صرف دو طلاقوں کا حق باقی ہے۔

درمختارمع ردالمحتار(443/4)میں ہے:(صريحه مالم يستعمل الا فيه) ولو بالفارسية (كطلقتك وأنت طالق ومطلقة)۔۔۔۔۔۔۔۔۔(و يقع بها) أى: بهذه الألفاظ وما بمعناها من الصريح۔۔۔۔۔۔۔۔۔۔(واحدة رجعية، وان نوى خلافها)عالمگیری (470/1 )میں ہے:وإذا طلق الرجل امرأته تطليقة رجعية أو تطليقتين فله أن يراجعها في عدتها رضيت بذلك أو لم ترض كذا في الهدايةعالمگیری(507/1)میں ہے:لو قال إن وطئتك وطئت أمي فلا شيء عليه كذا في غاية السروجيکفایت المفتی(6/428)میں ہے:سوال:اگر کوئی شخص غصہ کے ساتھ اپنی بی بی ے کہے کہ اگر میں تجھ سے صحبت کروں تو اپنی ماں سے صحبت کروں تو  کیا حکم ہے؟جواب:یہ کلام بیہودہ اور مہمل ہے،نہ اس سے طلاق پڑتی ہے اور نہ ظہار ہوتا ہے۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم