عورتوں كے ليے كالا لباس پہننے کا حکم

استفتاء

1۔کیا یہ بات صحیح ہے کہ عورت کالا سوٹ مکمل یعنی کالا ڈوپٹہ کالی شلوار کالی قمیص نہیں پہن سکتی اگر کالے کے ساتھ کوئی دوسرا رنگ ملا ہو تو پہن سکتی ہے  ،کیا یہ بات حدیث میں ہے؟

2۔کیا ممانعت اس وجہ سے ہے کہ مکمل کالا سوٹ پہننے میں دجال سے مشابہت ہے؟

الجواب :بسم اللہ حامداًومصلیاً

1۔2۔ کسی حدیث سے یہ بات ثابت نہیں کہ عورت مکمل کالا سوٹ نہیں پہن سکتی اور نہ ہی اس کی یہ وجہ ہے کہ کالا سوٹ پہننے میں دجال کی مشابہت ہے ۔البتہ جن علاقوں میں  یاجن دنوں میں کالا سوٹ پہننے سے (خواہ مکمل  سوٹ  کالا ہویا نہ ہو) اہل تشیع  کی عورتوں کے ساتھ مشابہت  ہوتی ہو تو ان صورتوں میں کالا سوٹ پہننا جائز نہیں ۔

سنن ابی داود (2/208)میں ہے:

 عن عائشةرضي الله عنهاقالت: ” صبغت لرسول الله صلى الله عليه وسلم بردة سوداء فلبسها فلما عرق فيها وجد ريح الصوف فقذفها قال: وأحسبه قال: وكان تعجبه الريح الطيبة

سنن نسائی(224/1) میں ہے:

عن عبد الله بن زيد ان رسول الله صلى الله عليه وسلم استسقى وعليه خميسصةسوداء

بخاری(2/866) میں ہے:

عن ام خالدبنت خالداتى النبي صلى الله عليه وسلم بثياب فيها خميسة سوداء صغيره فقال من ترون ان نكسو هذه ؟ وسكت القوم فقال ائتوني بام خالد فاتى بها تحمل فاخذ الخميسةبيده فالبسها وقال ابلي واخلقي

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔واللہ تعالی اعلم