عزل کرنے کا حکم

استفتاء

ہمارے علاقہ میں یہ رواج ہے کہ اگر کسی بندے     کی ایک بیوی ہواور اولاد بھی ہو اور وہ دوسری شادی کرنا چاہے تو ہمارے لوگ ایک بیوی  کے اوپر دوسرا  رشتہ کسی صورت میں بھی نہیں دیتے،ہاں اگرپہلی بیوی سے اولاد نہ ہو تو اس صورت میں ممکن  ہے کہ ایک بیوی کے اوپر دوسری شادی ہوجائے ۔اورمیری ایک بیوی ہے اور ا س سے ابھی میری اولاد پیدا نہیں ہوئی اور میں  دوسرے رشتے کی تلاش میں ہوں ،اس وجہ سے کہ پہلی بیوی سے میری شہوت  پوری نہیں ہوتی کیونکہ وہ دائمی بیمار  ہے اور مجھے دو بیویوں کا شوق  بھی ہے اور زیادہ اولاد کا شوق بھی ہے ۔

سوال یہ ہے کہ میں  بیوی کو کہتا ہوں کہ میں آپ سے اولاد  اس وقت  تک پیدا نہیں کروں گا جب تک  میری دوسری  شادی نہ ہوجائے اس کے بعد آپ سے اولاد پیدا کروں گا،اس لیے میں عزل کرتا ہوں  لیکن میری بیوی کو عزل پسند نہیں ہے لہذاوہ عزل کرنے سے ناراض ہوجاتی ہے ۔تو کیا شرعی طور پر اس وجہ سے عزل  کرنا جائز ہے یا نہیں ۔جزاک اللہ خیراً

الجواب :بسم اللہ حامداًومصلیاً

مذکورہ غرض سے عزل کرنا جائز نہیں ہے۔

در مختار مع رد المحتار  (4/334) میں ہے:ويعزل عن الحرة) وكذا المكاتبة، نهر بحثاً، (بإذنها)، لكن في الخانية أنه يباح في زماننا؛ لفساده، قال الكمال: فليعتبر عذراً مسقطاً لإذنها، وقالوا: يباح إسقاط الولد قبل أربعة أشهر ولو بلا إذن الزوج، (وعن أمته بغير إذنها) بلا كراهة.(قوله: قال الكمال) عبارته: وفي الفتاوى إن خاف من الولد السوء في الحرة يسعه العزل بغير رضاها؛ لفساد الزمان، فليعتبر مثله من الأعذار مسقطاً لإذنها. اهـ. فقد علم مما في الخانية أن منقول المذهب عدم الإباحة، وأن هذا تقييد من مشايخ المذهب؛ لتغير بعض الأحكام بتغير الزمان، وأقره في الفتح، وبه جزم القهستاني أيضاً حيث قال: وهذا إذا لم يخف على الولد السوء؛ لفساد الزمان، وإلا فيجوز بلا إذنها. اهـ. لكن قول الفتح: فليعتبر مثله إلخ يحتمل أن يريد بالمثل ذلك العذر، كقولهم: مثلك لا يبخل. ويحتمل أنه أراد إلحاق مثل هذا العذر به كأن يكون في سفر بعيد، أو في دار الحرب فخاف على الولد، أو كانت الزوجة سيئة الخلق ويريد فراقها فخاف أن تحبل،

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم