بچے کامنہ  بھر کر قے  کرنےکا معیار

استفتاء

چھو ٹا  بچہ چونکہ قے روکنے پر قادر نہیں ہو تا ، جب قے آتی ہے کردیتا ہے  تو کیا   اس کو منہ بھر کر قے  کہیں گے ؟اور کیا  ایسی صورت میں قے ناپاک ہوگی؟ یعنی جب قے  سے منہ نہ بھرا  ہو۔

الجواب :بسم اللہ حامداًومصلیاً

بچے کے بارےمیں بھی ضابطہ وہی ہے جو بڑے کے بارے میں ہےچنانچہ جب بچہ  تھوڑی قے کرےگا تو اس کومنہ بھر کر قے نہیں کہیں گے اگرزیادہ قے کرے گا تو اس کو منہ بھر کرقے کہیں گے اور وہ ناپاک ہوگی ۔باقی رہا یہ سوال کہ بچے کے معاملے میں اس کی حدبندی کیسے  ہوگی؟تو اس بارے میں کوئی صراحت تو نہ ملی البتہ خیال یہ ہے کہ ا س کا تعین قرائن سے ہوگا  اگر قے بہت زور سے آئی ہوتو”ملء  الفم”(منہ بھرکر قے)سمجھی جائے گی ۔ اگر شدت محسوس نہ ہو تومنہ بھر سے کم سمجھی  جائے گی ۔

فتح القدیر (1/205) میں ہے:

وأما  القئ فاذا كان ملءالفم فنجس فأما مادونه فظاهر علي ماهو المختار من قول ابي يوسف وفي فتاوي النجم الدين النسفي :صبي ارتضع  ثم قاء فأصاب ثياب الأم ،ان كان ملءالفم فنجس فاذا زاد علي الدرهم منع ،وروي الحسن عن  ابي حنيفة أنه لايمنع مالم يفحش لأنه لم يتغير من كل وجه كذا في غريب الروية عن أبي حنيفة وهو الصحيح ۔

رد المحتار (1/220) میں ہے:

وهو نجس مغلظ ، ولو من صبي ساعة ارتضاعه ، هو الصحيح لمخالطة النجاسة ،

قال ابن عابدین: ( قوله : ذكره الحلبي ) أي في شرح المنية الكبير ، حيث قال : والصحيح ظاهر الرواية أنه نجس لمخالطته النجاسة وتداخلها فيه بخلاف البلغم .

أقول : وحيث صحح القولان فلا يعدل عن ظاهر الرواية

فتاوی محمودیہ(5/228) میں ہے :

چھوٹا بچہ جب قے کرے تو اس کے منہ کا اعتبا ر ہوگا ،اگر منہ بھر کر  کرے تو اس کا وہی حکم ہوگا جو بڑے آدمی کی منہ  بھرکرکے قے کا ہے ،جسم  یا کپڑے پر لگ  جائے تو وہ ناپاک ہے اس کا پاک کرنا ضروری ہے  اگر مقدر درہم  ہو تونماز سے پہلے  اس کا پاک کرنا ضروری ہے ورنہ   نماز نہ ہوگی ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ اعلم