بغير طلاق دیے بیوی سے لا تعلق رہنے سے نکاح ٹوٹتا ہے یا نہیں؟

استفتاء

بیوی ایک سال دو ماہ سے اپنے والدین کے گھر میں ہے کوئی رابطہ یا ملنا یا فون پر بات بھی نہیں ہے۔ اس سے نکاح پر فرق پڑتا ہے؟  کیا نکاح ختم  ہوجاتا ہے؟ اگر بیوی واپس آنا چاہے تو کیا نکاح دوبارہ پڑھانا ہوگا؟ رہنمائی فرمائیں کن حالات میں نکاح فاسد ہوجاتا ہے؟

الجواب :بسم اللہ حامداًومصلیاً

جب تک نکاح ٹوٹنے کا کوئی شرعی سبب (طلاق یا  خلع وغیرہ ) نہ پایا جائے، اس وقت تک زوجین کی محض دوری سے اور لا تعلقی کی بنا پر نکاح نہیں ٹوٹتا۔  لہٰذا مذکورہ صورت میں جب شوہر نے طلاق نہیں دی تو محض میاں بیوی کے درمیان بات چیت منقطع ہونے کی وجہ سے نکاح میں کوئی فرق نہیں  آیا،  نکاح بدستور قائم ہے۔ تجدید نکاح کی ضرورت نہیں۔

فتاوی تاتارخانیہ(4/377) میں ہے:امارکن طلاق فهو هذه اللفظ الصادرة من الزوجفتاوی شامی(4/412) میں ہے:هو رفع قيد النکاح في الحال او المال بلفظ مخصوصفتاوی شامی(4/420) میں ہے:(ورکنه لفظ مخصوص) هوما جعل دلالة على معني الطلاق من صريح او کناية۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم