- فتوی نمبر: 22-277
- تاریخ: 04 مئی 2024
- عنوانات: عبادات > طہارت > وضوء کا بیان
استفتاء
کیا صرف ہلکی سی آنکھ لگنے سے وضوٹوٹ جائےگا؟ میں نے ایک چینل پر سنا تھا کہ ایسا نہیں ہے بلکہ وضو ٹوٹنے کی اپنی وجوہات ہیں ۔۔۔میں نے سنا تھا کہ اگر عشاء کی نماز پڑھ کر آپ کی ایک منٹ آنکھ لگ گئی تو آپ اٹھ کر ایسے ہی نماز پڑھ سکتے ہیں دوبارہ وضو کی ضرورت نہیں ۔
وضاحت مطلوب ہے:سونے کی کیفیت کیا ہے؟ یعنی لیٹ کر سوناہے یا بیٹھ کر سوناہے نیز ٹیک لگا کر یا بغیر ٹیک کے ؟
جواب وضاحت:بیٹھ کر بغیر ٹیک لگائےسوجائے۔
الجواب :بسم اللہ حامداًومصلیاً
بیٹھے بیٹھے کسی چیز کے ساتھ ٹیک لگائے بغیر سوجانے کی وجہ سے وضو نہیں ٹوٹتا، بشرطیکہ سُرین زمین پر جمی ہوئی ہو۔
فتاوی ہندیہ (1/20) میں ہے:
"ولو نام قاعدا واضعا أليتيه على عقبيه شبه المنكب لا وضوء عليه وهو الأصح كذا في محيط السرخسي ولو نام مستندا إلى ما لو ازيل عنه لسقط أن كانت مقعدته زائلة عن الأرض نقض بالاجماع…..ولا ینقض نوم القائم والقاعد ولو فی السرج او المحمل”
مسائل بہشتی زیور (1/53) میں ہے:
مسئلہ : اگر نماز سے باہر بیٹھے بیٹھے سوئے اور اپناچوتڑ ایڑی سے دبالے اور دیوار وغیر ہ کسی چیز سے ٹیک بھی نہ لگائے تو وضو نہیں ٹوٹتا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم
© Copyright 2024, All Rights Reserved