برتن کی ٹوٹی ہوئی جگہ سےکھانے اور پینے  کا حکم

استفتاء

(1)ٹوٹے ہوئے کپ میں چائے وغیرہ پینے کا کیا حکم ہے ؟(2)اور ٹوٹے ہوئے  برتن میں کھانے کا کیا حکم ہے؟

الجواب :بسم اللہ حامداًومصلیاً

(1آپ صلی اللہ علیہ وسلم نے برتن کی ٹوٹی ہوئی جگہ سے پینے سے منع فرمایا ہے اور شارحین حدیث نے اس کی وجہ یہ بیان فرمائی ہے کہ ٹوٹی ہوئی جگہ کی دھونے کے باوجود مکمل صفائی نہیں ہوتی، نیز ٹوٹے ہوئے برتن سے پانی پیتے وقت پانی کے گرنے کا اندیشہ ہوتا ہے اس لیے یہ منع ہے (2)البتہ ٹوٹے ہوئے برتن  میں کھانے کے بارے میں حدیث میں تو کوئی صراحت نہیں ۔لیکن  علامہ مناوی رحمہ اللہ نے ٹوٹے ہوئے برتن میں کھانے کو بھی اس نہی میں شامل کیا ہے اس لئے ٹوٹی ہوئی جگہ سے کھانے سے بھی اجتناب کیا جائے۔

سنن أبى داود(2/ 390)میں ہے:

عن أبى سعيد الخدرى أنه قال نهى رسول الله صلى الله عليه وسلم عن الشرب من ثلمة القدح وأن ينفخ فى الشراب.

مرقات المفاتیح (8/105)میں ہے:

عن أبي سعيد رضي الله تعالى عنه قال نهى رسول الله عن الشرب من ثلمة القدح بضم المثلثة وسكون اللام هي موضع الكسر منه قال الخطابي إنما نهى عن الشرب من ثلمة القدح لأنها لا تتماسك عليها شفة الشارب فإنه إذا شرب منها ينصب الماء ويسيل على وجهه وثوبه زاد ابن الملك أو لأن موضعها لا يناله التنظيف التام عند غسل الإناء.

فیض القدیر (6/316)میں ہے:

(نهى عن الشرب) ألحق به الأكل (من ثلمة القدح) بضم المثلثة محل الكسر منه لأن الوسخ والقذى والزهومة يجتمع في الثلمة ولا يصل إليه الغسل.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم