بہن بھائیوں کے محروم ہونے کی ایک صورت

استفتاء

میری بہن کا انتقال ہو گیا۔ ان کے ورثاء میں خاوند، ایک بیٹا جس کی عمر 10 ماہ ہے، اور مرحومہ کے والدین، اور پانچ بہنیں اور ایک بھائی ہے۔ ان کے ترکہ میں فریج، فرنیچر، سونا، کپڑے، برتن اور 16330 روپے نقدی اور واشنگ مشین ہے۔ یہ تمام اشیاء مرحومہ کی ذاتی ملک ہیں۔ اب پوچھنا یہ ہے کہ تقسیم کا طریقہ کیا  ہو گا؟

الجواب :بسم اللہ حامداًومصلیاً

مذکورہ صورت میں کل مال کی قیمت کے 12 حصے کر کے ان میں سے 3 حصے مرحومہ کے خاوند کو، اور 2- 2 حصے مرحومہ کے والد اور والدہ کو، اور باقی 5 حصے مرحومہ کے بیٹے کو  دیں۔ بھائی اور بہنوں کو کچھ نہیں ملے گا۔

12                                                                                     

خاوند        بیٹا                 باپ              والدہ                        5 بہنیں 1 بھائی

4/1        عصبہ              6/1              6/1                       محروم

3           5                 2                 2

فقط و اللہ تعالیٰ اعلم