بہنوں اور بھتیجوں، بھتیجیوں اور چچا پھوپھی میں میراث کی تقسیم

استفتاء

ایک صاحب محمد **فوت ہوگئے ہیں، اولاد کوئی نہیں۔ بیوی پہلے فوت ہوگئی تھی،  والدین بھی پہلے فوت ہوگئے تھے ۔ محمد **کے تین بھائی تھے جو کہ ان سے پہلے ہی فوت  ہوگئے تھے، اب ان تین بھائیوں کی اولاد موجود ہے، تینوں بھائیوں کی کل اولاد 6بیٹے، اور 5بیٹیاں ہیں۔ محمد **کی 5بہنیں بھی  حیات ہیں۔ اور تین چچا اور ایک پھوپھی بھی حیات ہے۔  مذکورہ صورت میں تقسیم کیسے ہوگی؟

الجواب :بسم اللہ حامداًومصلیاً

مذکورہ صورت میں محمد **کے کل ترکہ یا اس کی قیمت کو 90حصوں میں تقسیم کرکے ان میں سے محمد **کی پانچ بہنوں،  میں سے ہر ایک بہن کو 12-12حصے ،  اور محمد **کے 6بھتیجوں میں سے ہر ایک بھتیجے کو 5-5 حصے ملیں گے۔

نوٹ: بہنوں اور بھتیجوں کے علاوہ لوگ جیسے بھتیجی، چچا اور پھوپھی کو محمد **کے ترکہ میں سے کچھ نہیں ملے گا۔ صورت تقسیم یہ ہے:

3×30=90                                                                                                      

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم