عقیقہ میں بیمار جانور ذبح کرنے کا حکم

استفتاء

جانور کو کوئی عارضہ لاحق ہوا جس کی وجہ سے یہ یقین تھا کہ جانور زندہ نہیں رہ سکتا،اس لیے اس کو عقیقہ کی نیت سے ذبح کر لیا۔قرآن وحدیث کی روشنی میں واضح کر دیں کہ آیا یہ جانور عقیقہ کے لیے کافی ہوگا یا نیا جانور لینا پڑے گا؟

وضاحت مطلوب ہے کہ:عارضہ کی نوعیت کیا تھی؟

جوابِ وضاحت:موشن۔

وضاحت مطلوب ہے کہ:کیا جانور گھاس وغیرہ کھاسکتا تھایعنی کھاتا پیتا تھا؟

جوابِ وضاحت:جی بکری تھی گھر میں پال رکھی تھی اچانک بینائی ختم ہوگئی دماغ کی نس پھٹ گئی تھی جس دن ذبح کیا اس دن گھاس کھائی بس۔

الجواب :بسم اللہ حامداًومصلیاً

عقیقہ کے جانور کے لئے بھی وہی شرائط ہیں جو قربانی کے جانور کے لئے ہیں لہٰذا مذکورہ بكری بینائی ختم ہونے کی وجہ سے  عقیقہ کے لئے کافی نہیں۔

رد المحتار (9/468)میں ہے:(لا)(بالعمياء والعوراء والعجفاء)….والمريضة البين مرضها.

الفقہ الإسلامی وأدلتہ (4/ 286)میں ہے:هي في الجنس والسن والسلامة من العيوب مثل الأضحية،من الأنعام: الإبل، والبقر، والغنم.

نيل الأوطار (8/ 351)میں ہے:ويجزيء عنها ما يجزئ أضحية،بدنة أو بقرة شاة وسنها وصفتها والجامع التقرب باراقة الدم انتهى.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم