بیٹے کا عقیقہ ایک بکری سےکرنا

استفتاء

کیا بیٹے کا عقیقہ ایک بکری سے کر سکتے ہیں ؟ اگر مالی  حالات ٹھیک نہ ہو ں تو؟ اور ایک کی قربانی بعد میں کرلیں     گے۔

الجواب :بسم اللہ حامداًومصلیاً

بیٹے کےعقیقہ میں ایک بکری فی الحال کرلیں اور ایک بعد میں کر لیں  اس کی بھی  گنجائش ہے۔

فيض البارى شرح صحيح البخارى (5/ 648):میں ہے

ثم إن الترمذي أجاز بها إلى يوم إحدى وعشرين. قلتُ: بل يجوز إلى أن يموت، لما رأيت في بعض الروايات أنَّ النبيَّ صلى الله عليه وسلّم عقّ عن نفسه بنفسه

کفایت المفتی (8/242) میں ہے :

سوال : بیٹے  کے عقیقہ میں عموما دو بکریاں یا دو بھیڑ یں دی جاتی ہیں جبکہ ایک صاحب کہتے ہیے کہ ایک بکری بھی  دینا جائزہے لیکن ہماری تشفی نہیں ہوتی ۔

جواب: لڑکے کے  عقیقہ میں دو بکرے  یا دو بھیڑے  یا دو بکریاں  یا  بھیڑیں  ذبح  کرنا مستحب  ہے   اگر دو کی وسعت نہ ہو  تو ایک بھی         کافی ہے