بیوی کی شرمگاہ  چومنے کا حکم

استفتاء

میری آپ سے یہ عرض ہے  کہ اگر کوئی مرد اپنی  بیوی  کی شرمگاہ  چوم کر گناہ کر لیتاہے  ۔ (1)اس کی معافی کیسے ممکن ہے ؟ (2)اگر اس کی سزاہے تو کیا ہے ؟ (3)اور اس عمل سے دونوں کے نکاح پر توکوئی  حرج نہیں آتا؟

الجواب :بسم اللہ حامداًومصلیاً

(1)توبہ و استغفار کر کے   اس کی معافی ممکن ہے۔  (2)  دنیا میں  اس کی کوئی سزا مقرر نہیں ۔ (3)نیز  اس  عمل سے نکاح پر کوئی  اثر نہیں پڑتا ۔

ہندیہ (5/372) میں ہے:

في النوازل إذا أدخل الرجل ذكره في فم امرأته قد قيل يكره وقد قيل بخلافه كذا في الذخيرة

احسن الفتاویٰ (8/45)میں ہے:

سوال :جوش و محبت میں بیوی کی شرمگاہ کابوسہ لینا درست ہے  یانہیں ؟

جواب :ہاتھ لگانا  جائز ہے ، بوسہ  لینا جائزنہیں

فتاویٰ رحیمیہ (10/178)میں ہے:

’’سوال  :مرد و عورت جب پاک ہوں  تو ان کی شرم گاہ کا ظاہری حصہ پاک ہے یا ناپاک ؟ اگر بوقت ہم بستری عورت مرد کی شرم گاہ کو منہ میں  لیوے یا مرد اس کے منہ میں  دے دے ، اسی طرح اگر مرد عورت کی شرم گاہ کے ظاہری حصہ کوزبان لگائے، چومے تو ایسی حرکتوں  سے قباحت ہے یا نہیں ؟ گناہ ہوگا یا نہیں ؟ ۔۔۔۔

الجواب:۔۔۔۔۔ بے شک شرم گاہ کا ظاہری حصہ پاک ہے لیکن یہ ضروری نہیں  کہ ہر پاک چیز کو منہ لگایا جائے او ر منہ میں  لیا جائے اس کو چوما جائے اور چاٹا جائے ۔ ناک کی رطوبت پاک ہے تو کیا ناک کے اندرونی حصہ کو زبان لگانا اس کی رطوبت کو منہ میں لینا پسندیدہ چیز (خصلت )ہوسکتی ہے ؟ اور اس کی اجازت ہوسکتی ہے؟ مقعد (پاخانہ کا مقام) کا ظاہری حصہ بھی ناپاک نہیں  ، پاک ہے ، تو کیا اس کو چومنے کی اجازت ہوگی؟ نہیں  ہر گز نہیں ، اسی طرح عورت کی شرم گاہ کو چومنے اور زبان لگانے کی اجازت نہیں  سخت مکروہ اور گناہ ہے، کتوں ، بکروں  وغیرہ حیوانات کی خصلت کے مشابہ ہے اگر شہوت کا غلبہ ہے تو صحبت کر کے ختم کر لے۔۔۔۔الخ

فتاویٰ عالمگیری میں  ہے  :

في النوازل إذا أدخل الرجل ذكره في فم امرأته قد قيل يكره وقد قيل بخلافه كذا في الذخيرة.  

غور کیجئے ! جس منہ سے پاک کلمہ پڑھا جاتا ہے ، قرآن مجید کی تلاوت کی جاتی ہے درودشریف پڑھا جاتاہے ا س کو ایسے خسیس کام میں  استعمال کرنے کو دل کیسے گوارا کر سکتا ہے ؟ ۔۔۔۔۔الخ‘‘

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم