بیوی کی ٹانگیں دبانے کا حکم

استفتاء

میں اپنی بیوی سے بہت محبت کرتا ہوں کبھی کبھی میں اس کی ٹانگیں دباتا ہوں تو وہ مجھے یہ کہتے ہوئے منع کرتی ہے کہ اس میں گناہ ہے،کیا اس میں واقعی گناہ ہے؟

الجواب :بسم اللہ حامداًومصلیاً

بیوی کی ٹانگیں محبت کی وجہ سے دبانا جائز ہے۔البتہ اگربیوی تذلیل وتحقیر کے طور پرشوہر سے خدمت لے یا شوہر کی بیوی کی خدمت کرنے میں اس کی  تذلیل و تحقیر ہو تو یہ جائز نہیں ہے۔

درمختارمع ردالمحتار(4/228،232)میں ہے:

(ووجب مهر المثل في الشغار) (و) في (خدمة زوج حر) سنة (للإمهار) لحرة أو أمة لأن فيه قلب الموضوع۔۔۔۔۔۔۔۔۔۔«أما الحر فخدمته لها حرام لما فيه من الإهانة والإذلال وكذا استخدامه»

(قوله لأن فيه قلب الموضوع) لأن موضوع الزوجية أن تكون هي خادمة لا بالعكس فإنه حرام لما فيه من الإهانة والإذلال۔

ردالمحتار(4/231)میں ہے:

فليس ‌كل ‌خدمة ‌لا ‌تجوز، وإنما يمتنع لو كانت الخدمة للترذيل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم