بیوی کو سات مرتبہ طلاق دینا

استفتاء

جناب عالی کچھ  اس طرح کی بات ہے کہ میں جس سلسلہ کے لیے آپ کے پاس حاضر ہوا وہ کچھ اس طرح ہوا کہ لڑائی جھگڑا تو ہر روز کا معمول بن چکا تھا۔ لیکن  اس دن کچھ بات زیادہ ہی ہوئی، اور میں نے اپنی بیوی کو طلاق کے لفظ تقریبا سات دفع کہ دیے، اور بعد میں نے اس کو ماں بہن بھی کہا میرا ارادہ واقع طلاق کا تھا۔ جو میں نے کہہ دیا، اور یہ گھر اپنے چلی گئی اور پھر سامان کی غرض سے آئی اور دوبارہ یہیں رہ گئی، اب آپ بتائیں اس کو میں ساتھ رکھ سکتاہوں ، حالانکہ اب بھی میرا ارادہ اس کو ساتھ رکھنے کا نہیں۔

الجواب :بسم اللہ حامداًومصلیاً

تین طلاقیں ہوچکیں، نکاح ختم ہوگیا۔صلح نہیں ہوسکتی حلالہ کے بغیر دوبارہ نکاح بھی نہیں ہو سکتا۔ فقط واللہ تعالیٰ اعلم