C Trader Appپر آن لائن ٹریڈنگ کرناکیسا ہے؟

استفتاء

سی ٹریڈ ر ایپ (C Trader App) پر آن لائن ٹریڈنگ کرناکیسا ہے؟

تنقیح از مجیب :انٹرنیٹ سے لی گئی معلومات کے مطابق سی ٹریڈر ایپ (C Trader App) ایک آن لائن ٹریڈنگ ایپ ہے۔اس ایپ سے پیسے کمانے کا طریقہ یہ ہوتا ہے کہ ہم اس میں کوئی  اثاثہ (Asset)  منتخب کرتے ہیں جس میں ہم نے تجارت  کرنی ہے۔ ان اثاثوں  میں مختلف ملکوں کی کرنسی ، کرپٹو کرنسی اور شیئرز شامل ہیں۔ اثاثہ  منتخب کرنے کے بعد  ایک گراف آتا ہے پھر اس پر پیسے لگاتے ہیں کہ پانچ منٹ یا پندرہ منٹ میں مثلا  گراف  اوپر جائے گا یا نیچے آئے گا۔ اگر ہم نے کہا کہ  گراف اوپر جائے گا اور گراف اوپر گیا تو ہمیں نفع ہو گا اور اگر گراف نیچے آیا تو ہمیں نقصان ہو جائے گا۔

الجواب :بسم اللہ حامداًومصلیاً

مذکورہ ایپ کے ذریعے کمائی کرنا جائز نہیں۔

توجیہ: مذکورہ ایپ میں شرعی طور پر کئی خرابیاں ہیں:

1۔ مذکورہ ایپ میں کمائی کا طریقہ جوئے  پر مشتمل ہے جو کہ جائز نہیں۔

2۔انٹرنیٹ سے لی گئی معلومات کے مطابق مذکورہ ایپ میں کرپٹو کرنسی، فاریکس ٹریڈنگ اور شیئرز  میں سرمایہ کاری  ہوتی ہے جوکہ جائز نہیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم