چھوٹے بچوں کو غیر شرعی لباس پہنانے کا حکم

استفتاء

چھوٹے بچوں کو غیر شرعی لباس پہننے کی قباحت واضح فرمائیں۔

وضاحت مطلوب:(1)غیرشرعی سے کیا مراد ہے ؟(2)بچوں کی کیا عمر ہے؟

جواب وضاحت: (1)پینٹ شرٹ (2)نابالغ بچے ایک سال سے لے کر بارہ سال تک عموماً۔

الجواب :بسم اللہ حامداًومصلیاً

اپنی  ذات کی حد تک چھوٹے نابالغ بچوں کو بھی پینٹ شرٹ پہنانے سے احتیاط کریں کیونکہ جس چیز کی بچپن سے عادت پڑجائے اسے چھڑانا مشکل ہو جاتا ہے نیز اگر چہ نابالغ بچے مکلف نہیں لیکن انہیں پینٹ شرٹ پہنانے والے والدین تو مکلف ہیں  ہاں کہیں مجبوری ہو تو الگ بات ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم