چوری شدہ مال خریدنے کا کیا حکم ہے؟َ

استفتاء

میرے چچا زاد بھائی کسٹم ہیں وہ کبھی کبھی گھر میں ضروریات زندگی کی چیزیں لاتے ہیں مثلاً خوراک کی چیزیں کپڑے پرفیوم وغیرہ اگر میں اپنی ضروریات کی چیزیں اس سے قیمت پر خریدوں تو یہ میرے لیے جائز ہے یا نہیں؟

وضاحت مطلوب ہے:آپ کے چچا زاد چیزیں کس طرح لاتے ہیں مکمل وضاحت فرمادیں ؟

جواب وضاحت:تفتان اور چمن بارڈر سے گاڑیوں میں سامان آتاہے میرے چچا زاد بھائی گاڑیوں سے سامان اتارتے ہیں پھر اس میں سے چیزیں نکال لیتے ہیں اور گھر لے آتے ہیں۔

الجواب :بسم اللہ حامداًومصلیاً

جس چیز کے بارے میں معلوم ہو کہ یہ چوری کی ہےاس کا خریدنا ناجائز ہے کیونکہ چوری کی چیز چور کی ملکیت نہیں ہوتی۔

سنن الکبریٰ (5/548)میں ہے:

قال عليه الصلاة والسلام من اشترى سرقة وهو يعلم انها سرقة فقدشرك فى عارها واثمها

شامى(5/58)میں ہے:

بطل بيع ماليس فى ملكه………وحكمه عدم ملك المشترى

شامی(5/99) میں ہے:

والحاصل انه ان علم ارباب الاموال وجب رده عليهم والافان علم عین الحرام لایحل له ويتصدق به بنية صاحبه

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم