داماد اپنے سسرال میں مقیم ہوگا یامسافر؟

استفتاء

ایک مسئلہ درکار ہے،کہ داماد اگر اپنے سسرال جائے اور سفر کی مسافت 48 میل(یعنی 78 کلو میٹرمسافت شرعی)بنتی ہوتو وہ مسافر ہے یا مقیم ؟کون سی نماز پڑھے گا؟

الجواب :بسم اللہ حامداًومصلیاً

مسافر ہو گا اور مسافر والی نماز پڑھے گابشرطیکہ 15دن سے کم رہنے کی نیت ہو۔

درمختار(2/722)میں ہے:’’من خرج من عمارة موضع إقامته مسيرة ثلاثة أيام ولياليها بالسير الوسط مع الاستراحات المعتادة صلى الفرض الرباعي ركعتين ولو عاصيا بسفره حتى يدخل موضع مقامه أو ينوي إقامة نصف شهر‘‘فتح القدیر(2/41)میں ہے:‌’’وطن ‌أصلي وهو مولد الإنسان أو موضع تأهل به ومن قصده التعيش به لا الارتحال‘‘امدادالاحکام(1/696)میں ہے:’’کسی شہر میں محض نکاح کر لینے سے وہ وطن اصلی نہیں ہوجاتا بلکہ اہل کووہاں رکھنا اور وہاں سے منتقل نہ کرنا شرط ہے،چنانچہ عبارت بحر میں وتوطن بہا مع اہلہ ولیس من قصدہ الارتحال عنہا بل التعیش بہا،اور عبارت فتح میں او موضع تاہل بہ ومن قصدہ التعیش بہ لا الارتحال، اور عبارت خلاصہ میں او لم یکن مولدہ ولکن تاہل فیہ وجعلہ دارا،تاہل کے ساتھ قصد تعیش و جعل دار کی قید صاف مذکور ہے‘‘۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم