ایک بیوی زندگی میں فوت ہوگئی دوسری بیوی زندہ ہے، دونوں کی اولادوں میں والد کی وراثت کی تقسیم

استفتاء

ایک آدمی کا انتقال ہوگیا اس کی دو بیویاں تھیں ، ایک بیوی کا شوہر سے پہلے انتقال ہوگیا اور دوسری بیوی کا انتقال شوہر کے انتقال کے بعد ہوا ، جو بیوی شوہر سے پہلے فوت ہوئی اس سے اس  کا ایک بیٹا اور دو  بیٹیاں  ہیں اور دوسری بیوی جو شوہر کے بعد فوت ہوئی اس سے اس  کے چار بیٹے  اور دو بیٹیاں ہیں اور اس کے والدین پہلے ہی فوت ہوچکے تھے ۔مرحوم  نے ایک مکان چھوڑا، اب سوال یہ ہے کہ یہ مکان ورثاء میں کس طرح تقسیم ہوگا؟

نوٹ:مرحوم کے والدین مرحوم سے پہلے فوت ہوچکے تھے۔نیز دونوں بیویوں کی اولاد مرحوم ہی سے ہے۔

الجواب :بسم اللہ حامداًومصلیاً

مذکورہ صورت میں   مرحوم  کی وراثت  (مکان ) کو 80  حصوں  میں تقسیم کیاجائے گا  جن میں سے 10 حصے (12.5 فیصد  ) پہلے فوت ہونے والی بیوی کی اولاد  میں سے  بیٹے کو،  5 حصے(6.25فیصد فی کس)   دوبیٹیوں  میں سے  ہر بیٹی کو، 12 حصے(15 فیصد فی کس)  بعد میں فوت ہونے والی    بیوی کی اولاد  میں سے     ہر بیٹے کو ، 6 حصے     (7.5فیصد فی کس)اسکی  ہر بیٹی کو ملیں گے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم