غیر ارادی انزال سے روزہ کا حکم

استفتاء

ایک دوست  نے روزہ رکھ لیا تھا ۔اس کی ٹانگوں میں بہت درد ہو رہا تھا ۔ اس کی بیوی اور ملازمہ اس کی ٹانگیں دبا رہی تھیں کہ اس کا انزال ہو گیا جو کہ غیر ارادی تھا۔ نیز اس نے یہ بھی بتایا کہ اس کو کمزوری کا مسئلہ بھی ہے  شاید اس وجہ سے انزال ہوا  تھا۔ اب وہ کیا کرے؟ صرف روزہ دوبارہ رکھے یا کفارہ بھی ادا کرنا ہو گا؟ رہنمائی فرمائیں۔

الجواب :بسم اللہ حامداًومصلیاً

مذکورہ صورت میں روزہ ٹوٹ گیا ہے اور روزہ کی صرف قضاء واجب ہے کفارہ واجب نہیں ہے۔

رد المحتار علی الدر المختار، کتاب الصوم، باب  ما یفسدالصوم  ومالا یفسدہ (طبع: مکتبہ رشیدیہ،  جلد نمبر3 صفحہ نمبر435) میں ہے:

"( أو لمس ) ولو بحائل لا يمنع الحرارة أو استنما بكفه أو بمباشرة فاحشة ولو بين المرأتين ( فأنزل ) قيد للكل حتى لو لم ينزل لم يفطر۔۔۔۔۔ ( قضى ) في الصور كلها”

الھدایۃ شرح البدایۃ، کتاب الصوم ، باب  ما یوجب الکفارۃ الکفارۃ(طبع: المصباح، جلد نمبر 1صفحہ نمبر 217) میں ہے:

"ولو أنزل بقبلة أو لمس فعليه القضاء دون الكفارة لوجود معنى الجماع ووجود المنافي صورة أو معنى يكفي لإيجاب القضاء احتياطا”

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم