گودام میں سے فوت ہونے والے بھائی کے حصے کی تقسیم

استفتاء

گودام و دکان 343 SF تقریباً

مالکان

اس جگہ کی پیمائش کے حصے کی تقسیم بتا دیں جبکہ مذکورہ جگہ چار بھائیوں نے مشترکہ پیسوں سے خریدی ہے، جوکہ اپنی ذاتی رقم تھی کیونکہ کاروبار کرتے تھے اپنے پیسوں سے اُس رقم سے یہ جگہ خریدی ہے۔

چاروں بھائیوں نے برابر برابر پیسے ملا کر گودام خریدا تھا۔ چار بھائیوں میں سے  ایک بھائی ملک **پہلے فوت ہوئے تھے اور اب دوسرے بھائی ملک **فوت ہوئے ہیں۔ گودام میں سے صرف ملک **کے حصے کی تقسیم مطلوب ہے۔ اُن کے ورثاء میں بیوی، 3بیٹیاں،2بھائی اور 3بہنیں ہیں۔

الجواب :بسم اللہ حامداًومصلیاً

گودام  343سکیئرفِٹ کی ابتدائی تقسیم کے لحاظ سے چار بھائیوں میں سے ہر بھائی کا حصہ 85.75 سکیئر فِٹ بنتا ہے۔ اس کے بعد ملک **کے حصہ میں آنے والے حصے 85.75سکیئرفٹ کی تقسیم اس طرح ہوگی کہ 85.75سکیئر فٹ کو 504حصوں میں تقسیم کرکے ان  میں سے **کی بیوی کو 63حصے(10.718سکیئرفِٹ)، اس کی تین بیٹیوں میں سے ہر ایک کو 112حصے (19.055سکیئرفٹ)، اس کے  دو بھائیوں (ملک **اور  ملک **) میں سے ہر ایک کو 30 حصے (5.104سکیئرفٹ) اور اس کی تین بہنوں میں سے ہر ایک کو 15حصے (2.552سکیئر فٹ) ملیں گے ۔

24×21= 504           ملک ***85.75 (sf)

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم