حیض کے غسل سے پہلے صحبت، جنابت کے بعد غسل سے پہلے حیض آجائے

استفتاء

جب عورت حیض سے فارغ ہو جائے تو کیا غسل سے پہلے صحبت کرسکتی ہے تاکہ دونوں کا ایک ہی غسل کر لے۔ اسی طرح جنابت کا غسل کرنا تھا اس سے پہلے حیض آگیا تو کیا دونوں احکام کے لیے ایک غسل کافی ہے؟

الجواب :بسم اللہ حامداًومصلیاً

حیض اگر پورے دس دن یعنی 240 گھنٹے مکمل ہونے پر ختم ہوا ہے تو غسل سے پہلے صحبت کرسکتے ہیں ورنہ نہیں۔

جنابت کا غسل کرنے سے پہلے حیض آجائے تو جنابت کا غسل کرنا لازم نہیں، حیض سے فراغت کے بعد دونوں کے لیے اکٹھے غسل کرسکتے ہیں۔ فقط و اللہ تعالیٰ اعلم