حاجی کےلیے دوقربانیوں کاحکم

استفتاء

السلام علیکم ورحمۃ اللہ وبرکاتہ

حج کرنے والے پر ایک قربانی لازم ہے یا دو؟کیونکہ کسی سے سنا ہے کہ حج کرنے والے پر دو قربانیاں لازم ہیں ۔کیا یہ بات ٹھیک ہے؟

الجواب :بسم اللہ حامداًومصلیاً

حج کرنے والا اگر قربانی کے دونوں میں مقیم ہو (یعنی منی آنے سے پہلے پندرہ دن مکہ میں رہ چکا ہو)اور صاحب نصاب بھی ہوتو اس کے ذمے دو قربانیاں ہیں ایک حج کی اور دوسری مالداری کی ۔اور اگر قربانی کے دونوں میں مقیم نہ ہو یا صاحب نصاب نہ ہو تو پھر صرف حج کی قربانی ہے مالداری کی قربانی واجب نہیں ۔