حج کی قربانی کے علاوہ دوسری قربانی کس پر واجب ہے؟

استفتاء

السلام علیکم ورحمۃ اللہ وبرکاتہ

کیا فرماتے ہیں مفتیان کرام اس مسئلہ کے بارے میں کہ حج پر جانے والے احباب کے لئے حج کی قربانی کے علاوہ مزید کس صورت میں قربانی کرنا واجب ہوگی؟

الجواب :بسم اللہ حامداًومصلیاً

جس صورت میں حج پر جانے والا صاحب نصاب ہو اور قربانی کے دنوں میں مقیم ہویعنی منی کی طرف نکلنے سےپہلے مکہ مکرمہ میں 15 دن رہ چکا ہو، اس صورت میں حج کی قربانی کے علاوہ قربانی بھی اس پر واجب ہوگی۔