1۔حالت احرام میں سرمیں کنگھی کرنے کا حکم2۔حالت احرام میں خوشبودار چیز کھانے کاحکم3۔حالت احرام میں تولیہ سے منہ صاف کرنا

استفتاء

السلام علیکم ورحمۃ اللہ وبرکاتہ

۱۔            کیا حالت احرام میں سر اور داڑھی کے بالوںمیں کنگھی کرنا مکروہ ہے ؟

۲۔            اگر کسی نے حالت احرام میں پان میں لونگ ،الائچی اور خوشبودار تمباکو ملا کر اس کو کھایا تو شرعا کیا حکم ہے اس پر کوئی جزا لازم آئیگی ؟کیا یہ عمل مکروہ تو نہیں ؟

۳۔            کیا حالت احرام میں کپڑے یا تولیہ سے منہ پونچھنا جائز ہے ؟اگر کسی نے ایسا کیا تو شرعا کیا حکم ہے؟

الجواب :بسم اللہ حامداًومصلیاً

۱۔       حالت احرام میں سراور داڑھی کے بالوں میں کنگھی کرنا مکروہ ہے۔تاہم اگر کرلی اور بال نہ گرا تو کوئی چیز واجب نہ ہو گی البتہ ثواب میں  کمی ہو گی ۔اوراگرکنگھی کرنے کی صورت میں تین یا اس سے زائد اورسرکے چوتھائی حصے سے کم بال گرگئے توپونے دو کلو گندم  صدقہ واجب ہو گا ۔اور چوتھائی حصے کے بال گرنے کی صورت میں دم واجب ہو گا ۔اگر تین سے کم بال گرے توہر بال کے بدلہ میں ایک مٹھی گندم یا اس کی قیمت صدقہ کرنا ہو گی ۔

لما فی غنیة الناسک(90)فصل فی مکروهات الاحرام

ومشط رأسه ولحیته وحکهما وحک سائر بدنه حکا شدید ا ان خاف سقوط شعرة ۔

وایضا فیه256))

وان نتف من رأسه او انفه او لحیته ثلاث شعر ۔۔۔۔۔۔۔۔۔الی قوله :اما اذا لم یزد تصدق لکل شعرة بکف من طعام ۔۔۔۔۔۔۔۔۔۔۔۔۔۔۔۔۔۔۔۔۔۔۔فالواجب دم لو حلق ربع رأسه۔ ۔۔ ۔۔۔ الی قوله وفی اقل من الربع صدقة ۔غنیة المناسک256

۲۔            پان میں لونگ ،الائچی اور خوشبودار تمباکو ڈال کر کهانے سے کوئی جزا لازم نهیں آتی تاہم یہ عمل مکروہ ہے ۔

فی غنیۃ الناسک(246)

وان لم تغیر ه النار یکره اکله اذا کان یوجد منه رائحة الطیب وان اکل

فلاشیئ علیه کذا فی شرح الطحاوی۔

معلم الحجاج (ص:136)میں ہے:

بلالونگ  الائچی اور خوشبودار تمباکو والا پان کھانا جائز ہے اور لونگ الائچی اور خوشبو دار تمباکو ڈال کر کھانا مکروہ ہے ۔

۳۔            حالت احرام میں کپڑے یا تولیہ سے منہ پونچھنا مکروہ ہے تاہم اس سے کوئی جزا لازم نہیں آتی ۔علامہ ابن نجیم ؒ لکھتے ہیں :

لو دخل المحرم ستر الکعبة فان کان یصیب وجهه ورأسه فهو مکروه لا شیئ علیه۔(البحر الرائق :8/3)۔