حمل کی حالت میں جماع کرنے کا حکم

استفتاء

کیا حمل کی حالت میں  جماع کرنا جائز ہے ؟اگر نہیں تو اس کی وجہ ؟

الجواب :بسم اللہ حامداًومصلیاً

حالت حمل میں  بیوی سے ہمبستری کرنا جائز ہے، البتہ اگر ڈاکٹر  کسی عذر کی بنا پر احتیاط کا مشورہ دے تواس پر عمل کرنا چاہیئے۔

فتاوی محمودیہ (19/633) میں ہے:

سوال : حاملہ عورت کے ساتھ کتنی مدت تک صحبت کرسکتے ہیں ؟اور صحبت سے رکنا آیا واجب  ہے یاسنت یا مستحب؟

الجواب : صحبت سے رکنے کا حکم   حمل کی حفاظت کی خاطر ہے جب اس کونقصان دے تو رک جائے اور یہ بات طبیب سے دریافت کرنے کی ہے کہ کب نقصان دہ ہے اور کب نہیں ؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم