حضرت محمدﷺ کےنام کے انگریزی میں تلفظ

استفتاء

’’محمد‘‘ کے سپیلنگ ’’U‘‘ کے ساتھ غلط ہیں  اور یہ یہودیوں  نے لکھی ہے۔ ’’MU‘‘ لا طینی زبان کا لفظ ہے جس کے معنیٰ ’’پاگل‘‘ (نعوذ باللہ) اصل میں  سپیلنگ ’’محمد‘‘ میں  ’’MO‘‘ کے ساتھ ہے، یہ سعودی گورنمنٹ نے صحیح کیا ہے۔۔۔ الخ

کیا یہ بات درست ہے؟

الجواب :بسم اللہ حامداًومصلیاً

یہ بات بے بنیاد ہے۔ ’’U‘‘ کے ساتھ لکھ سکتے ہیں ۔

۱۔ ’’مُحمّد‘‘ میں  میم پر پیش ہے اور عربی کے صحیح تلفظ کے اعتبار سے پیش کی نمائندگی ’’U‘‘ میں  بہتر ہے بنسبت ’’O‘‘ کے ، ’’او‘‘ کی آواز ضمہ مجہولہ کی ہے۔

۲۔ سوال میں  قائم مفروضہ کے پیچھے لفظ کو توڑنا ہے، لفظ کو توڑ کر تو کچھ کا کچھ بنایا جا سکتا ہے۔

۳۔ پاکستان کی وزارت مذہبی امور نے مختلف مواقع پر ایک نوٹیفیکیشن جاری کیا ہے جس میں  ’’U‘‘ کے ساتھ لکھنے کی سفارش کی گئی ہے۔ عبارت یہ ہے:

The correct spelling of  the name of  the Holy Prophet of  islam (Peace Be Upon Him) should always be written in all official and non-official record as ”Muhammad”.