اسماعیلیوں کے ہوٹل میں کام کرنے کا کیا حکم ہے؟

استفتاء

میرا نام ** ہے میں ****کی ایک برانچ ***ریسٹورنٹ اسلام آباد میں کام کرتا ہوں ہمارے ادارے کےمالکان کے بارے میں سنا ہےکہ وہ  اسماعیلی ہیں اور ریسٹورنٹ میں چند مجسمے رکھے ہوئے ہیں وہ خود بہت کم ریسٹورنٹ پہ آتے ہیں سال بعد ایک دفعہ۔ اور ملازمت کرنے والے مختلف مکتب فکر کے لوگ ہیں مسلکی اختلاف ہے۔

(1) کیا اسماعیلی مذہب کہ لوگوں کہ پاس کام کرنا جائز ہے ؟

(2)  اسماعیلی مذہب کے عقائد کا خلاصہ بتائیں؟

وضاحت مطلوب ہے:آپ ہوٹل میں کیا کام کرتے ہیں ؟

جواب وضاحت:میں کک(باورچی) ہوں ۔

الجواب :بسم اللہ حامداًومصلیاً

آپ کیلئے مذکورہ صورت میں اسماعیلیوں  کے ریسٹورنٹ  میں بطور کک ملازمت کی گنجائش ہے تا ہم اگر احتیاط کریں تو اچھی بات ہے ۔

(فیض الباری (460\4) میں ہے:واعلم أن اتحادَ المِلَّة ليس بشرطٍ في عقد الإِجارة(فتح الباری 442\4) میں ہے:وإنما الممتنع أن يؤجرا المسلم نفسه من المشرك لما فيه من اذلال المسلم اه

(عمدۃالقاری 288\18) میں ہے:وقال ابن المنير استقرت المذاهب على أن الصناع في حوانيتهم يجوز لهم العمل لأهل الذمة ولا يعتد ذلك من الذلة بخلاف أن يخدمه في منزله وبطريق التبعية له

(فتح الباری 452\4) میں ہے:وقال المهلب كره أهل العلم ذلك إلا لضرورة بشرطين أحدهما أن يكون عمله فيما يحل للمسلم فعله والآخر أن لا يعينه على ما يعود ضرره على المسلمين

(اعلاء السنن 207\16)میں ہے:قلت ولا یخفی علی الفقيه العارف ان کل استئجار من الکافر لا یورث مذلة للمسلم بل منه ما فيه اعزاز له کالاستئجار للتعلیم او لکتابة الحساب او للنظر فی الضیاع والدکاکین او لفصل القضاۃ و نحوہ

(2)  اس کیلئے منسلکہ کتاب کا مطالعہ کریں ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم