جس جانور کے خصیتین نکالے گئے ہوں اس  کی قربانی کا کیا حکم ہے؟

استفتاء

بکرے کے خصیتین کٹوا کر قربانی کرنا کیسا ہے؟

وضاحت مطلوب:خصیتین کٹوانے سے کیا مراد ہے؟

جواب وضاحت:اس کے  خصیتین چمڑے سے نکالنا مراد  ہےیعنی جس کے خصیتین نکال دئیے گئے ہوں اس کی قربانی ہوجائے گی؟

الجواب :بسم اللہ حامداًومصلیاً

جس بکرے کے خصیتین نکال لئے گئے ہوں اس کی قربانی جائز ہے۔

کفایت المفتی (8/194)میں ہے:

(سوال )  قربانی  خصی دنبہ یا خصی بکرے کی جائز ہے یا نہیں ؟ خصی دو طریقے سے کیا جاتا ہے خصیتین کو کاٹ  کر یا دباکر خصیتین نکال دیئے جاتے ہیں طریقہ ثانیہ میں اعضاء  میں کمی ہوجاتی ہے کیا یہ دونوں قسم کے خصی جائز ہیں ۔

(جواب)  دونوں  قسم کے خصی کی قربانی  جائز ہے  عضو کا کم ہوجانا اور کچل کر بیکار کردینا یکساں ہے مگر یہ عیب گوشت کی عمدگی کے لئے قصداً کیا جاتا ہے۔ یجوز المجبوب العاجز عن الجماع (عالمگیری ص ۳۳۰ ج ۵) و یضحی بالجماء والخصی والثولاء (درمختار علی ہامش رد المحتار ص ۲۲۴ ج ۵)…الخ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم