کل ترکہ سے قرض منہا کرنے کے بعد بقیہ ترکہ ورثاء میں تقسیم ہو گا

استفتاء

کیا فرماتے ہیں علمائے دین اور مفتیان کرام حضرات کہ ایک بندہ فوت ہو گیا ہے اور اس کے ترکہ میں ایک مکان 30 مرلہ اور 4 ایکڑ زمین ہے۔ اس کی دو بیویاں، 3 بیٹے، 2 بیٹیاں، ایک بھائی اور اس کی والدہ ہے۔ اور اس کے اوپر بینک کا 3 لاکھ کا قرضہ بھی ہے۔ برائے مہربانی قرآن و سنت کی روشنی میں بتایا جائے کہ اس کا ترکہ کیسے تقسیم ہو گا؟ جواب دے کر مطمئن فرمائیں۔

الجواب :بسم اللہ حامداًومصلیاً

مذکورہ صورت میں مرحوم کے مکان اور زمین کی کل قیمت میں سے پہلے مرحوم کے ذمے تین لاکھ قرض منہا کیا جائے۔ پھر بقیہ قیمت کے 192 حصے کر کے 12-12 حصے مرحوم کی ہر ہر بیوی کو، اور 34-34 حصے اس کے ہر ہر بیٹے کو، اور 17-17 حصے اس کی ہر ہر بیٹی کو اور 32 حصے اس کی والدہ کو ملیں گے۔ جبکہ مرحوم کا بھائی محروم رہے گا۔ صورت تقسیم یہ ہے:

24×8= 192                                 30 مرلے مکان اور 4 ایکڑ زمین

2 بیویاں              3 بیٹے             2 بیٹیاں          والدہ              بھائی

8/1                           عصبہ                        6/1              محروم

3×8                          17×8                    4×8

24                                      136                      32

12+12  34+34+34           17+17                  32                        فقط و اللہ تعالیٰ اعلم