’’کینہ‘‘ کا معنی

استفتاء

کینہ کسے کہتے ہیں؟

الجواب :بسم اللہ حامداًومصلیاً

جب کسی شخص سے باوجود غصہ کے بدلہ لینے پر قدرت نہ ہو تو دل میں اس شخص کے بارے میں ایک خاص قسم کی گرانی اور برائی رکھنے کو کینہ کہتے ہیں۔

التعریفات(سید شریف جرجانیؒ)ص:65میں ہے:

"الحقد: هو طلب الانتقام، وتحقيقه: ان الغضب اذا لزم كظمه لعجز عن التشفي في الحال رجع الى الباطن واحتقن فيه فصار حقدا.”

تعلیم الدین(مولانا اشرف علی تھانویؒ)میں ہے:

’’جب غصے میں بدلہ لینے کی قدرت نہیں ہوتی تو اس کے ضبط کرنے سے اس شخص کی طرف سے دل پر ایک قسم کی گرانی ہو جاتی ہے اس کو حقد یعنی کینہ کہتے ہیں۔‘‘

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم