خالص سونے کے بدلے کھوٹ والے سونے کی خرید وفروخت

استفتاء

سونے کے کام میں بغیر ادھار کا م نہیں ہے ہمارا تعلق سونے کا دکاندار سے ہے یعنی ہم کاریگر ہیں آج کل دکانداروں کے پاس سونے کی کمی ہے  اکثر کاریگر اپنے سونے سے زیورات تیار کرکے دکانداروں کےپاس رکھوادیتے ہیں ، جو کاریگر ادھار نہیں دیتااسے کام نہیں دیا جاتا، سونے کے کام میں مزدوری کی دو صورتیں ہوتی ہیں۔

1۔ایک تولے سونے میں/16 رتی کھوٹ ڈالا اس میں سے /6 رتی سونا خود رکھا اور /16 رتی کھوٹ والا سونا زیور دکاندار کو دیا اسے  /10 رتی کھوٹ کا حساب دیا۔

خالص سونا۔۔۔۔۔80 رتی————-                         دکاندار کودیا۔۔۔۔۔۔۔۔۔۔۔۔96 رتی کھوٹ والازیور

کھوٹ۔۔۔۔۔۔۔16 رتی             ————-             دکاندار کا حساب۔۔۔۔۔۔۔۔۔۔10رتی

تیار زیور۔۔۔۔۔۔96 رتی کھوٹ والا زیور—               کاریگر نے لیا۔۔۔۔۔۔۔۔۔۔۔86رتی خالص

2۔مزدوری کی دوسری  صورت

وزن فی  چوڑی۔۔۔۔۔۔۔۔۔۔۔۔۔۔۔ کوئی بھی وزن

مزدوری  سونے میں۔۔۔۔۔۔۔۔۔۔ 4 رتی

مزدوری  روپوں میں۔۔۔۔۔۔۔۔۔100 روپے

مزدوری کسی بھی صورت میں ہو سونا اسی وقت نہیں  ملتا بعض اوقات سونا  پہلے آتا ہے بعض اوقات کچھ سونا پہلے آتا ہے کچھ زیور دیتے وقت آتاہے کچھ سونا بعد میں آتا  ہے ۔

اگرہم دکاندار کو  /200 گرام خالص سونا قرض دے دیں ، اسکے بعد مزدوری کی پہلی صورت میں کام  جائز ہوگا یانہیں؟ اس کے بعد دکاندار جتنا کام بنوائے گا اس کا  بھیج دے گا اس صورت  میں بھی مکمل سونا ایک وقت میں نہیں ملے گا۔(96 رتی وزن) کھوٹ والا زیور دکاندار کو دیا جائے گااور /86  رتی خالص سونا وصول کیاجائے گاجبکہ /96 رتی  زیور میں /80 رتی خالص  سونا موجود ہوگا۔دکاندار ہمیں /80 رتی سونا دیتاہے اس میں  /16 رتی کھوٹ ڈال کر /96 رتی  زیور تیا رکیا جاتاہے  اور /96 رتی  سونے کے لئے /4رتی میل  والا سونا بطور مزدوری لیا جاتاہے  زیور واپسی پر /96کھوٹ رتی  وصول کرکے /80 رتی کے بجائے /78 رتی خالص سونا دیا جاتاہے۔

زیور جو جوڑنے کے لئے ایک دھات کیڈیم استعمال ہوتی ہے (جودکاندار کے علم میں ہے) دکاندار اور کاریگر کے درمیان یہ طے ہے  کہ

واپسی پر کیڈیم /2 رتی  علاوہ  ملاوٹ کا ٹاجائے گا۔یہ /2 رتی  مزدوری ۔سونا خالص کرنے کا خرچہ میں شمارہوتاہے کیا یہ صورت جائز ہے۔

دکاندار نے کاریگر کو آرڈر دیا  /6 عدد سونے کی چوڑیاں /93گرام میں بنا دیے ۔مروری /3گرام سونا اور /6سوروپے  طے ہوئی اور /20 گرام سونا دیا گیا تیاری کے بعد حساب اس طرح بنایاگیا۔

(کھوٹ والی)  6عدد چوڑیاں۔۔۔۔۔۔۔۔۔۔۔۔93 گرام

بنوائی سونے میل۔۔۔۔۔۔۔۔۔۔۔3 گرام

ٹوٹل۔۔۔۔۔۔۔۔۔۔۔۔۔۔۔۔۔۔96 گرام

ملاوٹ  ۔۔۔۔۔۔۔۔۔۔۔۔۔۔۔۔۔16 گرام

خالص۔۔۔۔۔۔۔۔۔۔۔۔۔۔۔۔۔  80 گرام

پہلے وصول۔۔۔۔۔۔۔۔۔۔۔۔۔۔20گرام

باقی۔۔۔۔۔۔۔۔۔۔۔۔۔۔۔۔۔۔60گرام

وصول چوڑیاں دیتے وقت۔۔۔۔۔30 گرام

باقی۔۔۔۔۔۔۔۔۔۔۔۔۔۔۔۔۔۔30گرام

دودن بعد وصول ۔۔۔۔۔۔۔۔۔۔30 گرام                         اور 600 روپے

1۔مذکورہ بالاصورت اجرت کی  ہے یا بیع کی؟

2۔کیا /93گرام کھوٹ والا سونا /80گرام خالص سونے اور /600 روپے میں فروخت کیا جاسکتاہے؟

3۔کیا سونے (کھوٹ والا)کے بدلے (خالص)سونا اور کچھ رقم کی  صورت میں ادھار جائزہے ؟

الجواب :بسم اللہ حامداًومصلیاً

1۔بیع کی ہے۔

2۔کیا جاسکتاہے۔

3۔صرف رقم کا ادھار تو جائز ہے سونا کا ادھار جائز نہیں۔فقط وللہ تعالیٰ اعلم