خواب میں جماع کرنے سے غسل کا حکم

استفتاء

اگر بندہ خواب میں کسی سے جماع کرے اور فارغ ہونا اس کو یاد نہیں اور اس کے ذہن میں نہیں کہ میں فارغ ہوا تھا یا نہیں تو اس پر غسل واجب ہے یا نہیں؟

الجواب :بسم اللہ حامداًومصلیاً

مذکورہ صورت میں اگر تو بدن یا کپڑوں پر کوئی تری نظر نہیں آئی توغسل واجب نہیں البتہ اگر بدن یا کپڑوں پر تری دیکھی تو مندرجہ ذیل صورتوں میں غسل واجب ہوگا:

(1)یقین ہو کہ یہ تری منی ہے (2)یقین ہو کہ یہ تری مذی ہے (3)شک ہو کہ یہ تری منی ہے یا مذی ہے (4)شک ہو کہ یہ تری منی ہے یا ودی ہے (5)شک ہو کہ یہ تری  مذی ہے یا ودی ہے (6)شک ہوگا کہ یہ تری منی ہے یا مذی ہے یا ودی ہے ۔اور مندرجہ ذیل صورت میں غسل واجب نہیں ہوگا:

(1)یقین ہو کہ یہ تری ودی ہے ۔

فتاویٰ عالمگیری(1/ 15) میں ہے:

«ولو تذكر الاحتلام ولذة الإنزال ‌ولم ‌ير ‌بللا لا يجب عليه الغسل والمرأة كذلك في ظاهر الرواية؛ لأن خروج منيها إلى فرجها الخارج شرط لوجوب الغسل عليها وعليه الفتوى. هكذا في معراج الدراية»

البحر الرائق (1/ 58) میں ہے:

«‌واعلم ‌أن ‌هذه المسألة على اثني عشر وجها؛ لأنه إما أن يتيقن أنه مني أو مذي أو ودي أو شك في الأول والثاني أو في الأول والثالث أو في الثاني والثالث وكل من هذه الستة إما أن تكون مع ‌تذكر ‌الاحتلام أو لا فيجب الغسل اتفاقا فيما إذا تيقن أنه مني وتذكر الاحتلام أو لا وفيما إذا تيقن أنه مذي وتذكر الاحتلام أو شك أنه مني أو مذي أو مني أو ودي أو مذي أو ودي وتذكر الاحتلام في الكل ولا يجب الغسل اتفاقا فيما إذا تيقن أنه ودي تذكر الاحتلام أو لا أو شك أنه مذي أو ودي ولم يتذكر الاحتلام أو تيقن أنه مذي ولم يتذكر الاحتلام، ويجب الغسل عندهما لا عند أبي يوسف فيما إذا شك أنه مني أو مذي أو مني أو ودي ولم يتذكر الاحتلام فيهما»

امداد الفتاویٰ (1/79) میں ہے:

الجواب عن الکل۔ اس میں بہت سی صورتیں نکل سکتی ہیں جن میں سے صرف چار صورتوں میں تو غسل نہیں ہے  باقی سب میں غسل ہے۔ وہ چار صورتیں غسل نہ ہونے کی یہ ہیں۔ (1) ایک یہ کہ مذی کا یقین ہو اور خواب یاد نہ ہو(2) دوسری یہ کہ ودی کا یقین ہو  اور خواب یاد ہو(3) تیسری یہ کہ ودی کا یقین ہو اور خواب یاد نہ ہو (3) چوتھی یہ کہ مذی اور ودی میں شک ہو اور خواب یاد نہ ہو۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم