خواتین کا نفل نماز میں اونچی آواز سے قراءت کرنا

استفتاء

كوئی عورت نفل نماز میں قرآن کی دہرائی کی نیت سے اونچی آواز سے قراءت کرسکتی ہے؟ کمرے میں چھوٹے بچے کے علاوہ کوئی اور موجود نہ  ہو۔

الجواب :بسم اللہ حامداًومصلیاً

عورت کی آواز کے بارے میں راجح قول یہ ہے کہ نماز کے اعتبار سے یہ ستر میں داخل نہیں لہٰذا اگر عورت رات کو نفل میں قرآن اونچی آواز سے پڑھنا چاہے تو پڑھ سکتی ہے۔ البتہ اتنی اونچی آواز سے نہ کرے کہ غیر محرم تک آواز پہنچے یا پہنچنے کا خدشہ ہو۔

درمختار مع ردالمحتار(2/961) میں ہے:

(وصوتها على الراجح)

وفى الشامية تحت قوله: (‌وصوتها) معطوف على المستثنى يعني أنه ليس بعورة ح (قوله على الراجح) عبارة البحر عن الحلية أنه الأشبه. وفي النهر وهو الذي ينبغي اعتماده. ومقابله ما في النوازل: نغمة المرأة عورة………الخ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم