کسی شہر میں صرف  گھر ہونے سے آدمی مقیم نہیں ہو تا

استفتاء

ایک شخص کا ایک ذاتی گھر پاکستان میں ہے اور دوسرا گھر برطانیہ میں ،وہ برطانیہ کبھی بھی پندرہ دن نہیں ٹھہرتا ۔کیا وہ وہاں پوری نماز پڑھے گا یا قصر   ؟

وضاحت مطلوب ہے :1-کیا برطانیہ والے گھر میں کبھی بھی پندرہ دن نہیں ٹھہرا؟2-اور کیا وہ ذاتی گھر ہے یا کرائے کا گھر ہے؟3-برطانیہ میں صرف گھر ہے یا بیوی بچے بھی؟

جواب وضاحت :1-جی کبھی بھی پندرہ دن نہیں ٹھہرا،2-اور وہ ذاتی گھر ہے،3-صرف گھر ہے۔

الجواب :بسم اللہ حامداًومصلیاً

مذکورہ صورت  میں یہ شخص جب برطانیہ پندرہ دن سے کم ٹھہرنے کی نیت سے جائے گاتو وہاں پر قصر نماز ہی پڑھے گا ۔

كنزالدقائق(187) میں ہے:من جاوز بيوت مصره مريدًا سيرًا وسطًا ثلاثة أيّامٍ في برٍّ أو بحرٍ أو جبلٍ قصر الفرض الرّباعيّ فلو أتمّ وقعد في الثّانية صحّ وإلّا لا،حتّى يدخل مصره أو ينوي إقامة نصف شهرٍ ببلدٍ أو قريةٍ لا بمكّة ومنًى وقصر إن نوى أقلّ منه أو لم ينو وبقي سنين۔

بحر الرائق (2/147) میں ہے: وأما وطن الإقامة فهو الوطن الذي يقصد المسافر الإقامة فيه وهو صالح لها نصف شهر وهو ينتقض بواحد من ثلاثة بالأصلي لأنه فوقه وبمثله وبالسفر لأنه ضده ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم