کیا اکیلے سوناشریعت میں منع ہے ؟

استفتاء

کیا اکیلے سونا شریعت میں منع ہے؟برائے مہر بانی اگر واقعی اکیلے سونا منع ہے تو میری اس بارے میں تھوڑی تفصیلا راہنمائی فرمادیں۔

وضاحت مطلوب ہے(1) سوال کس کی طرف سے ہے؟(2)اور اکیلے سونے سے مراد کیا ہے؟گھر میں اکیلے ہونا یاکمرے میں اکیلے ہونا؟

جواب وضاحت(1) حضرت یہ سوال میرے دوست کی طرف سے ہے۔(2) اسے کسی  نےکہا ہے کہ اکیلے سونا شریعت میں منع ہے۔حقیقت جاننے کےلیے آپ سے رجوع کیا ہے کیونکہ شیاطین اکیلے شخص کے ساتھ شرارت کرتے ہیں۔

الجواب :بسم اللہ حامداًومصلیاً

حدیث پاک میں گھر میں اکیلے سونے سے ممانعت آئی ہے اس لیے بلاوجہ اکیلے سونے سے گریز کرنا چاہیے کوئی عذر یا مجبوری ہو تو الگ بات ہے۔

مسند احمد(3/ 187) میں ہے:

عن ابن عمر أن النبي صلى الله عليه وسلم نهى عن الوحدة أن يبيت الرجل وحده أو يسافر وحده.

كنز العمال (15/ 361) میں ہے:

يعتري الشيطان المرء عند أربع خصال: إذا نام وحده، وإذا نام مستلقيا، وإذا نام في ملحفة معصفرة، وإذا اغتسل بفضاء من الأرض، فمن استطاع أن لا يغتسل بفضاء من الأرض فليفعل، فإن كان لا بد فاعلا فليحظ خطا.

فيض القدير (6/ 422) میں ہے:

(نهى عن الوحدة) وهي (أن يبيت الرجل) ومثله المرأة (وحده) أي في دار ليس فيها أحد (حم عن ابن عمر).

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم