کیاغیرمسلم سے تعزیت کرسکتے ہیں؟

استفتاء

کسی غیر مسلم سے اس کے کسی فرد کے مرنے پر تعزیت کر سکتے ہیں؟ اگر کرسکتے ہیں تو کیسے کریں؟ رہنمائی فرمائیں

الجواب :بسم اللہ حامداًومصلیاً

غیر مسلم سے تعزیت کر سکتے ہیں،البتہ تعزیت میں الفاظ اس قسم کے استعمال کرنے چاہئیں کہ اللہ تمہیں مرنے والے کا نعم البدل عطا فرمائے اور تمہارے حال کو اچھا کرے اوردل میں یہ نیت ہو کہ تجھے مسلمان کر دے۔

عالمگیر ی  (5 / 348 )میں ہے:

وإذا مات الكافر قال لوالده أو قريبه في تعزيته أخلف الله عليك خيرا منه وأصلحك أي أصلحك بالإسلام ورزقك ولدا مسلما لأن الخيرية به تظهر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم