(1)لڑکی کے کان میں اذان (2)لڑکی کا عقیقہ (3)ساتویں دن سے پہلے عقیقہ کرنے کا کیا حکم ہے

استفتاء

1-اگر کسی کے ہاں لڑکی پیدا ہو تو اس کے کان میں اذان ہونی چاہیے یا نہیں ؟

2- اور اگر کوئی یہ کہےکہ لڑکا ہوتا تو اچھا ہوتا لڑکی اچھی نہیں تو یہ ٹھیک کہہ رہاہے   یاغلط ؟

3-عقیقہ لڑکے کیلیے ضروری ہے یا دونوں کیلیےضروری ہے؟ہمارے ہاں رواج ہےکہ لڑکے کا عقیقہ کرتے ہیں اور لڑکی کیلیے ضروری نہیں سمجھتے یہ ٹھیک ہے یا نہیں ؟

4-عقیقہ تیسرے دن کرنا چاہیے یا ساتویں دن ہمارے ہاں تیسرے دن کا رواج ہے یہ طریقہ صحیح ہے یا غلط؟

الجواب :بسم اللہ حامداًومصلیاً

1-لڑکی کے کان میں بھی اذان اتنی ہی ضروری ہے جتنی لڑکے کے کان میں ضروری ہے ۔

2- مذکورہ بات  کہنا غلط ہے کیا معلوم خیر کس میں زیادہ ہے۔

3-جتنا عقیقہ لڑکے کیلیےضروری ہے  اتنا ہی لڑکی کیلیے بھی ضروری ہے البتہ اتنافرق ہےکہ لڑکے کے لیے دو بکرے اور لڑکی کے لیے ایک بکرا ہوتا ہے۔

4- تیسرے دن عقیقہ کرنا جائزہےمگر  ساتویں دن کرنا افضل  ہے۔

تنقیح الفتاوی الحامدیہ(2/233) میں ہے:ولو قدم يوم الذبح قبل يوم السابع أو أخره عنه جاز إلا أن يوم السابع أفضل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم