منت ماننے كي ايك صورت”جب بھی رات کو بازار جائے گا صدقہ کرے گا

استفتاء

زید نے منت مانی کہ جب بھی رات کو بازار جائے گا تو اپنا مال صدقہ کرے گا۔اب اگر اس منت کو ختم کرنا چاہے تو اگر کہے کہ میں اپنے قول  سے رجوع کرتا ہوں  تو یہ منت ختم ہو جائے گی کہ نہیں؟

وضاحت مطلوب ہے:کتنا مال صدقہ کرنے کی منت مانی تھی؟(2)سائل کے نذر کے الفاظ کیا تھے؟اپنا  مال صدقہ کرے گا یا جیب میں جتنے روپے ہوں گے وہ صدقہ کرے گا؟(3)کیا سائل نے نذر دل میں مانی تھی یا زبان سے نذر مانی تھی۔

جواب وضاحت:(1)جیب میں جتنے روپے ہوں گے،عام طور پر ہزار کے قریب ہوتے ہیں(2)آئندہ جب بھی بازار آیا رات کو یا جب بھی کسی غیر محرم کو جان بوجھ کر دیکھا تو جیب میں جو کچھ   بھی ہوبطور جرمانہ صدقہ کروں گا(3)زبان سے نذر مانی تھی۔

الجواب :بسم اللہ حامداًومصلیاً

مذکورہ صورت میں جب بھی زید  رات کو بازار جائے یا جب بھی کسی غیر محرم کو جان بوجھ کر دیکھے تو اسے  دو باتوں میں سے ایک کو اختیار  کرنا ہوگا -1-یا تو جیب میں جتنے پیسے ہوں گے ان سب کو صدقہ کرے-2۔یا قسم کا کفارہ ادا کرے،لہٰذا زید کے لئے  حل یہ ہے کہ بازارجاتے ہوئے  یا تو پیسےہی لے کر نہ جائے یا  تھوڑے پیسے لے کر جائے ۔

البحر الرائق (4/ 532)ميں ہے:

 وفي الخلاصة قال كلما ركبت دابة فلله علي أن أتصدق بها فركب دابة يلزمه التصدق بها فإن تصدق بها ثم اشتراها فركب مرة أخرى لزمه التصدق بها مرة أخرى ثم وثم.

فتاویٰ تاتارخانیہ(5/39)میں ہے:

ولو قال كلما ركبت دابة فعلى ان أتصدق بدرهم فركب دابة فعليه درهم وإن طال الركوب.

رد المحتار (5/543)میں ہے:

(و)إن علقه(بما لم يرده كإن زنيت بفلانة)مثلا فحنث(وفى)بنذره(أو كفر)ليمينه(على المذهب)لأنه نذر بظاهره يمين بمعناه فيخير ضرورة.

قوله:(إن زنيت بفلانة)لكنه يتخير بينه وبين كفارة اليمين لأنه إذا كان لا يريده يصير فيه معنى اليمين فيتخير كما يأتي تقريره بخلاف ما إذا كان يريده لفوات معنى اليمين.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم