مسجد نبوی میں مسلسل چالیس نمازیں پڑھنے کی فضیلت

استفتاء

(1) مدینہ منورہ میں جو چالیس نمازیں باجماعت ادا کی جاتی ہیں اس کی فضیلت کیا ہے؟

(2) اور اس کا حکم فرض، واجب  یا مستحب کا ہے؟

الجواب :بسم اللہ حامداًومصلیاً

(1)چالیس نمازوں کی فضیلت مدینہ منورہ کیساتھ نہیں بلکہ مسجد نبوی کیساتھ ہے چنانچہ حدیث شریف میں ان کی فضیلت کے بارے میں آتا ہے کہ جس شخص نے میری مسجد (مسجد نبوی) میں چالیس نمازیں اس طرح پڑھیں کہ (درمیان میں ) کوئی نماز فوت نہ ہو تو اس کے لیے آگ سے براءت اور عذاب سے نجات لکھ دی جاتی ہے اور وہ نفاق سے بری ہے۔

(2)   مستحب ہے ۔

مسند احمد (40/20)      میں ہے :

عن أنس بن مالك، عن النبي صلى الله عليه وسلم أنه قال: ” من صلى في مسجدي ‌أربعين ‌صلاة، لا يفوته صلاة، كتبت له براءة من النار، ونجاة من العذاب، وبرئ من النفاق

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم