مسجد کے یو پی ایس سے خطیب کو بجلی دینا

استفتاء

السلام علیکم ورحمۃ اللہ وبرکاتہ

مسجد انتظامیہ کی صراحتا اجازت کے بغیر مسجد کے یوپی ایس سے خطیب صاحب کو کنکشن لینا جائز ہے ؟اگر نہیں تو جتنا عرصہ کنکشن لیئے رکھا اس کا کیا تاوان ہے؟

الجواب :بسم اللہ حامداًومصلیاً

اگر انتظامیہ کی طرف سے یو پی ایس سے خطیب صاحب کو کنکشن لینے کی دلالۃ اجازت ہو تو کنکشن لینا جائز ہے ایسی صورت میں صراحتا ًاجازت لینا ضروری نہیں ۔ لیکن اگر نہ دلالۃ اجازت ہے اور نہ صراحتا ً تو ایسی صورت میں کنکشن لینا جائز نہیں اور اس صورت میں جتنا عرصہ کنکشن لیے رکھا عرفا اس کا جتنا تاوان بنتا ہو اتنا ادا کریں ۔