میت کو امانت کے طور پر دفن کرنے کا حکم

استفتاء

کیا فرماتے ہیں مفتیان کرام اس مسئلہ کے بارے میں کہ ہم نے اپنے بہنوئی کو ایک جگہ امانت کے طور پر دفن کیا تھا کیونکہ وہاں سڑک بننی تھی، لیکن اب مسئلہ حل ہو گیا ہے وہاں سڑک نہیں بنے گی،  اب ہم نے قبر کی جگہ تو نہیں بدلنی ، کیا بطور امانت کی گئی تدفین کو ختم کرنے کے لیے ہمیں زبان سے کچھ کہنا یا پڑھنا پڑے گا؟

الجواب :بسم اللہ حامداًومصلیاً

میت کو امانت کے طور پر دفن کرنے کا شریعت میں کوئی تصور نہیں، جب میت کو ایک جگہ دفن کر دیا جائے تو اسے وہاں سے نکالنا جائز نہیں، لہذا مذکورہ صورت میں  بطور امانت کی گئی تدفین کو ختم کرنے کے لیے آپ کو زبان سے کچھ کہنے یا پڑھنے کی ضرورت نہیں۔

درمختار (170/3) میں ہے:

(ولا يخرج منه) بعد إهالة التراب (إلا) لحق آدمي.

عالمگیری (167/1) میں ہے:

ولا ينبغي إخراج الميت من القبر بعد ما دفن إلا إذا كانت الأرض مغصوبة أو أخذت بشفعة، كذا في فتاوى قاضي خان.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم