مہر کی کم سے کم مقدار کیا ہے؟

استفتاء

میں خود عالم نہیں ہوں لیکن نکاح وغیرہ پڑھاتا ہوں تو کیا پانچ ہزار مہر میں نکاح پڑھانا ٹھیک ہے یا مہر کی قیمت میں اضافہ ہوگیا ہے؟ اور مہر کی کم سے کم قیمت  آجکل کیا بن رہی ہے؟

الجواب :بسم اللہ حامداًومصلیاً

مہر کی کم سے کم مقدار دس (10) درہم یعنی دو تولہ ساڑھے سات ماشہ (30.618 گرام) چاندی یا اس کی قیمت ہے آجکل(جولائی 2023)  2 تولہ ساڑھے سات ماشہ چاندی کی قیمت تقریباً 6925 روپے بنتی ہے لیکن چونکہ چاندی کی قیمت میں کمی بیشی ہوتی رہتی ہے اس لیے جب نکاح پڑھایا جائے اس وقت دو تولہ ساڑھے سات ماشہ (30.618گرام)  چاندی کا ریٹ معلوم کر کے حساب لگالیا جا ئے۔

بدائع الصنائع في ترتيب الشرائع (2/ 561-562) میں ہے:

[فصل بيان ‌أدنى ‌المقدار الذي يصلح مهرا] فأدناه عشرة دراهم أو ما قيمته عشرة دراهم، وهذا عندنا

وروي عن جابر  رضي الله عنه عن رسول الله  صلى الله عليه وسلم أنه قال: «لا مهر دون عشرة دراهم» ، وعن عمر وعلي وعبد الله بن عمر رضي الله عنهم  أنهم قالوا: لا يكون المهر أقل من عشرة دراهم، والظاهر أنهم قالوا ذلك توقيف لأنه باب لا يوصل إليه بالاجتهاد والقياس؛ ولأنه لما وقع الاختلاف في المقدار يجب الأخذ بالمتيقن وهو العشرة.

ہدایہ (2/37) میں ہے:

واقل المهر عشرة دراهم

الدرالمختار (4/220) میں ہے:

(أقله عشرة دراهم) لحديث البيهقي وغيره (لا مهر أقل من عشرة دراهم)

جواہر الفقہ (3/437) میں ہے:

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم