میراث کی ایک صورت

استفتاء

کیا فرماتے ہیں مفتیان کرام اس مسئلہ کے بارے میں  کہ ایک شخص اسماعیل فوت ہوا اس  کی ملکیت میں ایک جائداد تھی اس کے  ورثاءمیں 1 بیوہ، 5 بیٹے ،4 بیٹیاں، ہیں نیز اسماعیل کی ایک دوسری بیوی تھی جس  سےمزید  2 بیٹے ،تھے  وہ بیوی  اسماعیل کی زندگی میں ہی فوت ہو گئی تھی اور اس سے اسماعیل کے جوبیٹےتھےان  کو دیگر  ورثاء نےاسماعیل کے فوت ہوتےہی اس جائداد میں سے حصہ دےدیا تھا  اور اسماعیل کے والدین بھی اس  کی زندگی میں فوت ہوگئےتھےاب اسماعیل کی وہ  جائداد کیسے تقسیم ہوگی?محمد احمد

الجواب :بسم اللہ حامداًومصلیاً

مذکورہ صورت میں اس جائداد کے 16 حصے کیے جائیں گے جن میں سے 2 حصے مرحوم کی بیوی کو ملیں گے اور 2-2حصے مرحوم کے ہر بیٹے کو ملیں گے اور 1-1 حصہ مرحوم کی ہربیٹی کو ملے گادوسری بیوی کی اولاد کوپہلے حصہ لے لینے کی وجہ سے اب مزید کچھ نہیں ملے گا ۔صورت تقسیم درج ذیل ہے:

8X2=16                                                                                                         

بیوہ————                                                             5بیٹے——————-                                                     4بیٹیاں

1/8          ——————————-                                                                      عصبہ

1×2=2                                                             7×2=14

2+2+2+2+2                             1+1+1+1

نوٹ: مذکورہ جواب اس صورت میں ہے جب  تمام   ورثاء سوال میں دی گئی تفصیل سے متفق ہوں اگر کل یا بعض  ورثاء کو مذکورہ تفصیل سے  اختلاف ہوا تو مذکورہ جواب کا لعدم ہوگا ۔