میراث کی ایک صورت

استفتاء

ہمارے والد مرحوم نے ہم پانچ بھائی اور چار بہنوں کے لئے ترکہ میں ایک عدد مکان جس کا رقبہ تقریبا 3350 فٹ ہےاورگاؤں میں قابل کاشت اور شاملات زمین جو کہ ہمارےوالد مرحوم اور ان کے بڑے بھائی(تایا ابو)کے درمیان مشترکہ  ہےچھوڑی ہے ۔براہ کرم قرآن وسنت کی روشنی میں رہنمائی فرمائیں کہ ہر ایک شخص کو کتنا حصہ ملے گا۔

وضاحت مطلوب ہے:

(1)کیا مرحوم کے والدین حیات ہیں ؟(2)مرحوم کی بیوی حیات ہے؟

جواب وضاحت:

(1) پہلے فوت ہو گئے تھے۔(2)بعدمیں فوت ہوئی اوران کےماں باپ پہلےفوت ہوئےتھے۔اورتایا کے ورثاء میں صرف ان کی بیوی اوردو بیٹے،تین بیٹیاں ہیں،ان کو کتنا حصہ ملے گا۔

نیززرعی زمین اور شاملات زمین ہمارے دادا کی ملکیت تھی،ان کے بعد میرے والد اورتایاکے درمیان مشترکہ رہی،شراکت کاتناسب نصف نصف ہے،ہمارے دادا کے صرف یہی دو بیٹے تھے اور بیٹے اور بیٹیاں کوئی نہیں تھیں۔

الجواب :بسم اللہ حامداًومصلیاً

(1)مذکورہ صورت میں آپ کے والد کا مکان،آدھی زرعی زمین،اور آدھی شاملات والی زمین کےکل 14حصے کیے جائیں  گےجن میں سےہر بیٹے کو دو حصّے دیےجائیں گےاور ہر بیٹی کو ایک حصہ دیا جائے گا ۔

تقسیم کی صورت درج ذیل ہے:

14                                                                                                                      

بیٹا             بیٹا        بیٹا        بیٹا        بیٹا        بیٹی        بیٹی        بیٹی                    بیٹی

2              2         2         2         2         1         1         1                     1

(2) آپ کے تایا کا ترکہ(باقی آدھی زرعی زمین اور آدھی شاملات والی زمین)کے کل آٹھ حصے کیے جائیں گے جن میں سے ان کی بیوی کو ایک حصہ ملے گا اور ہر بیٹے کو دو حصے ملیں گے اور ہر بیٹی کو ایک حصہ ملے گا ۔

تقسیم کی صورت درج ذیل ہے:

8                                                                                                                         

بیوی                      بیٹا        بیٹا                    بیٹی                    بیٹی                    بیٹی

8/1                                            عصبہ7

1                          2         2                     1                     1                     1

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم