میراث کی تقسیم کی ایک صورت

استفتاء

السلام علیکم ورحمۃ اللہ وبرکاتہ

سید شمشاد احمد لاولد فوت ہوئے ان کا کوئی بہن بھائی بھی نہ تھا والدہ زندہ تھیں بعد میں فوت ہوئیں ،بیوی زندہ تھی بعد میں فوت ہوئیں ،چچی زندہ تھیں ،چچا فوت ہو چکے تھے چچا کی اولاد میں تین بیٹے چار بیٹیاں ہیں اور ایک پھوپھی زندہ تھیں ایک فوت چکی تھیں ۔اب سید شمشاد احمد مرحوم کی وراثت کی تقسیم قرآن وحدیث کی روشنی میں کیسے ہو گی ؟

الجواب :بسم اللہ حامداًومصلیاً

مذکورہ صورت میں سید شمشاد مرحوم کے ترکہ کے کل 36حصے کیے جائیں گے جس میں سے زوجہ کو نو ،والدہ کو بارہ اور چچا کے ہر بیٹے کو پانچ حصے دیئے جائیں گے۔جبکہ پھوپھی اور چچا کی بیٹیاں محروم ہوں گی ان کو کچھ نہیں ملے گا۔

صورت تقسیم درج ذیل ہے:

12×3=36

زوجہ———–                  والدہ                  ————–پھوپھی————-                چچا کے تین بیٹے———–                 چچا کی چار بیٹیاں

1/4              ——————1/3————              محروم                ———–عصبہ————                             محروم

3×3             4×3                                5×3=15

9           ————-12                     ——————–             فی بیٹا5