نماز میں وسوسے کا مسئلہ

استفتاء

میں جب نماز پڑھتا ہوں تو مجھے طرح طرح کے وسوسے آتے ہیں جس کی وجہ سے نماز صحیح نہیں پڑھی  جاتی۔ اس کا کوئی حل بتا دیں۔

الجواب :بسم اللہ حامداًومصلیاً

وسوسہ کوئی ایسا مسئلہ نہیں ہے جس سے پریشان ہوا جائے اور اس کا حل تلاش کیاجائے، کیونکہ وسوسہ عمل کی قبولیت کی نشانی ہے، شیطان  جب عمل صحیح ہوتا دیکھتا ہے تو پریشان ہو کر پھونک مارتا ہے۔ وہ پریشان ہوتا ہے تو ہو ، ہم کیوں پریشان ہوں؟   بلکہ اگر غور کیا جائے تو یہ معلوم ہوتا ہے کہ وسوسے سے حاصل  ہونے والی پریشانی پر اجر بھی  ملتا ہےلہذا جتنے مرضی وساوس آتے رہیں آنے دیں اس سے نماز کی صحت اور قبولیت پر کوئی اثر نہیں پڑتا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم